लोकनीती न्युज नेटवर्क
पुणे प्रतिनिधी : नवभारत हायस्कूल, शिवणे येथील १९९४-९५ सालच्या माजी विद्यार्थ्यांचा स्नेहमेळावा दि. २८ एप्रिल रोजी मोठ्या उत्साहात पार पडला. जवळपास ३० वर्षांनी आयोजित या सोहळ्याला २०० हून अधिक माजी विद्यार्थी उपस्थित होते. शाळेतील आठवणींना उजाळा देताना, शाळेतील मस्ती, शिक्षकांचे मार्गदर्शन, क्रीडा स्पर्धा आणि स्नेहसंमेलनाच्या आठवणींनी वातावरण भावूक झाले होते. अनेक माजी विद्यार्थी आज विविध क्षेत्रात यशस्वीपणे कार्यरत असून, त्यांनी शाळेच्या संस्कारांचे कौतुक केले. या कार्यक्रमात २५ माजी शिक्षकांचा विद्यार्थ्यांच्या वतीने सन्मान करण्यात आला. यावेळी गरजू विद्यार्थ्यांसाठी शंभर शालेय बॅग देण्याचेही जाहीर करण्यात आले. कार्यक्रमाचे प्रस्ताविक शशिकांत लंगे यांनी, सूत्रसंचालन विलास मोरे यांनी, तर आभार प्रदर्शन राजश्री गुरव यांनी केले. नियोजनात शशिकांत लंगे, विलास मोरे, राजश्री गुरव, राहुल गोरे, सागर कदम, हेमंत टक्के, नवनाथ पोटावडे, अतुल धावडे पाटील, सोमनाथ वाल्हेकर आणि प्रतिभा चतुर यांनी सहभाग घेतला.